FELIZ 2018!!

Ainda non tiveramos ocasión de desexarvos a todos unha moi feliz entrada neste novo ano. Aínda que no cole nos adiantamos un pouco mais para celebralo, xa que o último día viñemos vestidos para a ocasión e tomamos as "uvas" con todos os nosos compañeiros/as; postos na celebración, brindamos con Chimpin e pasámolo en grande co cotillon. Aquí deixamos algunhas das fotos dese día...

VISITA DO PAXE REAL

En Educación Infantil tívemola sorte de que nos veu visitar o paxe real para comprobar que xa todos tiñamos a carta preparada ante a chegada dos reis magos. Deunos chocolatinas e fixemos unha foto con el, aquí van...

ENTREGA DE PREMIOS DECORACIÓN DE PORTAS

O derradeiro día do trimestre pasado fíxose entrega dos diplomas pola participación no IV certamen de decoración de portas. Aquí están os mais peques recollendo os galardóns ;)

25 DE NOVEMBRO

Os nenos/as de Educación Infantil estamos concienciados de que coa violencia non se chega a ningún lado. Por iso o venres día 24 estivemos traballando sobre este tema. Limos o libro "O país dos mandóns" e falamos sobre as diversas cousas que podemos facer coas nosas mans sen recurrir á violencia.

A andaina que se tiña prevista ao redor do centro tivo que ser suspendida por mor do mal tempo.

CELEBRACIÓN MAGOSTO

O pasado10 de novembro celebramos no cole o Magosto. Durante a mañá tivemos xogos populares no patio e despois degustación de castañas e duns riquísimos bolos preñados. Aquí vos deixamos algunha foto.

VISITA DUNHA MEIGA

Aproveitando o proxecto dos seres mitolóxicos, tivemos unha visita moi especial. Veu unha meiga a facernos un conxuro ao cole!

Pasámolo en grande!

GALICIA MÁXICA

Este curso estamos traballando un proxecto sobre os seres mitolóxicos. Comezamos pola MEIGA e estas son algunhas das aportacións que estamos recibindo. 

Moitas gracias a todos pola vosa colaboración!!