25 DE NOVEMBRO

Os nenos/as de Educación Infantil estamos concienciados de que coa violencia non se chega a ningún lado. Por iso o venres día 24 estivemos traballando sobre este tema. Limos o libro "O país dos mandóns" e falamos sobre as diversas cousas que podemos facer coas nosas mans sen recurrir á violencia.

A andaina que se tiña prevista ao redor do centro tivo que ser suspendida por mor do mal tempo.

CELEBRACIÓN MAGOSTO

O pasado10 de novembro celebramos no cole o Magosto. Durante a mañá tivemos xogos populares no patio e despois degustación de castañas e duns riquísimos bolos preñados. Aquí vos deixamos algunha foto.

VISITA DUNHA MEIGA

Aproveitando o proxecto dos seres mitolóxicos, tivemos unha visita moi especial. Veu unha meiga a facernos un conxuro ao cole!

Pasámolo en grande!

GALICIA MÁXICA

Este curso estamos traballando un proxecto sobre os seres mitolóxicos. Comezamos pola MEIGA e estas son algunhas das aportacións que estamos recibindo. 

Moitas gracias a todos pola vosa colaboración!!

ESTAMOS DE VOLTA!!

Ola!!
Xa estamos por aquí de volta!!
Comezar dándovos á benvida a este curso, aos que xa nos coñecedes de outros anos e aos novos deste.

Xa sabedes que por aquí iremos poñendo cousiñas dos traballos de aula e celebracións que se vaian facendo ao longo do curso.

E non pensedes que ata ahora non pasaron cousas...

Aquí vos deixamos algunhas fotos dun concerto didáctico, dunha exhibición de taekondo e zumba e da entrega de premios do concurso de cabazas!!

FESTA DE ENTROIDO

Este ano, xa que no cole estamos traballando o tema da ciencia, os disfraces do entroido non podían desentoar e ir en outra liña, así que, aquí vedes aos mais peques do centro disfrazados de gotas de auga, xa que o noso tema a traballar está sendo "Son unha pinga".

·"SE BUSCAN VALIENTES"

   

Estamos traballando a canción de LANGUI "Buscando valientes" pretendemos que a mensaxe sexa diferente: conseguir que os nenos non se mostren indiferentes ante o acoso escolar e se poñan de lado do DÉBIL destacando que a fuerza non é física se non que sae do corazón.

XOVES DE ENTROIDO

O xoves xuntaremos:

sombreiro, luvas e lentes,

fáltanos a GRAVATA

isto xa é para valentes!

MERCORES DE ENTROIDO

O mércores sombreiro e luvas

no teu corpo traerás

e non esquezas unhas LENTES

que na cabeza lucirás.

MARTES DE ENTROIDO

O martes seguimos as ordes

da Marquesa de Vilaxoán,

o sombreiro e unha LUVA

traerás en cada man.

LUNS DE ENTROIDO

Comezamos a semana, 

será o luns cun SOMBREIRO.

É entroido en Vilaxoán,

que o saiba o mundo enteiro!

EXPERIMENTANDO COA AUGA

Os nenos/as de infantil estamos traballando un proxecto que se chama "Xogamos coa auga". Está relacionado co proxecto que se leva a cabo a nivel centro sobre Peque Ciencia. Estamos coñecendo diversos estados da auga e saboreándoa de diferentes xeitos.